Ang Among Pagsimba Kanimo Ginoo

Ang among pagsimba Kanimo Ginoo, Duyog ang kalipay sa among dughan;

Ang pag-uban mo kanamo gikinahanglan, Sa among paghiusa ning takna karon

Ang among mga kinabuhi ihalad, Sa pagpasalamat kanimo O Dios;

Walay ikabalos kami gayud kanimo, Kay ang kalooy mo wala may paghubas

Ang imong pagbantay kanamo pabilin, Bisan pa sa adlaw’ng manglabay O Dios;

Sa taknang umalabot nga ikaw kauban, Ang among kinabuhi maglig-on gayud

Salamat ning taknang pagsimba kanimo, Ang pagbuot mo maoy among sundon

Ug sa pagkatapos ning among paghiusa, Bubu-an mo kami sa panalangin Mo.